I Bjørgvin bispedøme er det pr. 31.12.17 tilsett 163 prestar og prostar i 163 årsverk. Ved bispedømekontoret er det tilsett 16 personar i 16 årsverk. Desse har bispedømerådet som arbeidsgjevar. 2,5 presteårsverk og 1,1 årsverk i administrasjonen er finansiert av eksterne midlar.
Lokalisering
Bjørgvin bispedøme er geografisk samanfallande med fylka Hordaland og Sogn og Fjordane og har 59 kommunar med til saman 630 229 innbyggjarar. Bergen er den største byen, med 278 556 innbyggjarar. Bjørgvin er mellom dei bispedøma der delen av innbyggjarar som er medlemer av Den norske kyrkja er høgast. 73,5 prosent er kyrkjemedlemer i Bjørgvin (dersom vi reknar med «tilhøyrande», dvs. udøypte born av medlemer, er 75,8 % knytte til kyrkja) mot 70,7 prosent i snitt for heile landet.