I samband med den internasjonale konferansen GLOBAL SUSTAINABILITY, SCIENCE AND RELIGION IN DIALOGUE (ESSSAT 2022), i år lokalisert til Ålesund, er det open økumenisk gudsteneste i Ålesund kyrkje laurdag 7. mai kl. 18.30.
Konferansen har blitt arrangert i mange år og deltakarar frå fleire land kjem saman. Lokal arrangør er Høgskulen i Volda, NTNU Ålesund og Høgskolen i Molde.
Dette året deltar også bispekollegiet i Svenska kyrkan. Kvart år blir konferansen avslutta med økumenisk gudsteneste.
Biskop i Møre bispedømme, Ingeborg Midttømme, leiar gudstenesta, saman med erkebiskop Antje Jackelén frå Svenska kyrkja og Michael Fuller frå Church of Scotland. Organist er Oddgeir Nossen. Gudsteneste blir forretta på engelsk.
Det er grunn til merksemd når Det Europeiske forskingsfellesskapet for naturvitskap og teologi (ESSSAT) legg sin internasjonale forskingskonferanse til Ålesund 4. til 8. mai.
Med tittelen «Global Sustainability - Science and Religion in Dialogue» stiller om lag 140 av verda sine fremste forskarar på feltet spørsmålet om kva rolle verdiar har i arbeidet med berekraft, og korleis tilhøvet mellom naturvitskap og religion kan bidra til ei global berekraftig utvikling.
Lenke til konferanse: https://www.hivolda.no/ecstxix