Mange kyrkjelydar er godt i gang med planlegginga av årets juleaktivitetar i kyrkjer og kyrkjelydshus. Mange kjenner kanskje arbeidet ekstra utfordrande i år, med mykje usikkerheit og atterhald knytt til arrangement i kyrkjene.
Kyrkja vil kome alle i møte med årets advent- og juleidébank! Gjennom nettsida kyrkja.no/jul2020 blir kyrkjelydar over heile landet inviterte med i ein juledugnad, der ein kan hente og spele inn forslag, idéar, tiltak og inspirasjon til korleis jula 2020 kan bli markert:
Idémyldring
Har du ein god idé til juleverkstad? Eller korleis møte einsame og sjuke? Treng du idéer til korleis samlast på julaftan? Eller kanskje gode malar til sosiale media? På nettsida til kyrkja kan de sende inn og dele dykkar idéar og utfordringar!
Tysdag 13. oktober kl. 10 inviterer kyrkja til digitalt idémyldringsmøte om advent og jul! Under møtet vil idéane som alt er spela inn bli presenterte, og det blir høve til spørsmål og svar og fleire innspel.
Idébank
Idéane som blir sende inn blir samla, systematisert og presentert i ein Idébank, som alle har tilgjenge til (frå og med 12. oktober).
Møre bispedøme vil oppmode kyrkjelydane i Møre til å nytte dette høvet til å hente inspirasjon og dele sine idéar med heile kyrkje-Noreg!
Få med deg staben og frivillige på digitalt idémyldringsmøte og bruk ressursane som kyrkja tilbyr i arbeidet med å leggje til rette for julefeiringa 2020!