Ei tid for fellesskap og til å tenke sjølv
Neste år kan du feire din konfirmasjonsdag i kyrkja! Velkomen som konfirmant i Knarvik, Alversund, Lygra og Seim!
I konfirmasjonstida er det rom for å utforske mange viktige sider av livet saman med andre. Som konfirmant får du lære meir om deg sjølv, om tru, om Gud og den verda du er ein del av. Vi håper du vil være konfirmant hos oss!
Kva er konfirmasjon?
Ordet konfirmasjon kan bety både «å bekrefte» og «å gjere sterk». Eit høgdepunkt i konfirmasjonsgudstenesta er når det bes ei bøn for deg. I bøna ber vi Gud om å velsigne deg og å styrke deg på din veg vidare i livet. Det viktigaste med konfirmasjonstida er å være ein del av eit fellesskap og bli betre kjent med den kristne trua.
Konfirmasjonen er ei påminning om at Gud i dåpen sa ja til å være ein del av ditt liv.
Konfirmasjon er for alle
Alle er velkomne til konfirmasjonstid i kyrkja – både du som trur, tviler, er usikker, ikkje trur, ikkje har tenkt på sånt før eller er nysgjerrig. Alle menneske er ulike, og treng ulike tilpassingar. Uansett funksjonsevne har du rett til ei god konfirmanttid. Har du behov for individuell tilrettelegging, er det berre å ta kontakt med kyrkja. Døvemenighetene har eige tilbod med undervisning på teknspråk i tegnspråkmiljø for deg som er døv/høyrselshemma. Sjå meir på dovekirken.no.
Ynskjer du å delta på Samisk konfirmantleir kan du også det, uansett kvar du deltar i konfirmantopplegg. Sjå meir på kyrkja.no/samisk.
Leir
Det blir leir for alle konfirmantane dette året. Meir info om denne kjem ved oppstart
Dåp
Er du ikkje døypt og lurer på om du likevel kan bli konfirmert i kyrkja? Klart du kan, og du er heller ikkje alene! Over tusen ungdomar vert kvart år døypt i forkant av konfirmasjonen. Du får god informasjon på førehand og på sjølve dåpsdagen har du med deg dine næraste i ein fin seremoni. Ta kontakt for meir informasjon