Planane var lagt for påsken då beskjeden kom at vi ikkje fekk ha arrangement i kyrkja denne påsken. Dei tre planlagte dåpane på palmesøndag vert gjennomført i lukka dåpsgudstenester. Skjærtorsdag vert det open kyrkje frå kl. 11-13.00, langfredag 2. april er soknepresten vår med på direktestrøymt gudsteneste frå Knarvik kyrkje og 1.påskedagsgudstenesta planlegg vi å feire når det vert opna for gudstenester igjen.
Open kyrkje Skjærtorsdag 1. april kl. 11-13.00
Det blir mogleg å gå inn i kyrkja, saman med dine nærkontaktar/din kohort, tenne lys, vere der i stillheit og bøn, lytte til musikken og få nattverd. Det er ikkje noko arrangement, utan byrjing og slutt. Nattverd vert delt ut etter kvart som folk kjem. Diakon Ruben Sæle og spesialprest Håkon Økland Kinsarvik vert tilstade i kyrkja.
Nettgudstenester frå Knarvik
Det blir direktesendte gudstenester frå Knarvik kyrkje skjærtorsdag kl. 18.00, langfredag kl. 11.00 og 1. påskedag kl. 11.00. Så langt har vi informasjon om presten på langfredag, vår eigen sokneprest Bjørn Tore Sæle. NB: Gudstenestene kan ikkje vitjast, dei er berre opne for medverkande pga smittevern-restriksjonane.Meir informasjon og lenker til nettsendingane kjem etter kvart.
Noko ein kan gjere saman heime
Ei ressursside for barn frå Bibelselskapet. Høyr/les påskeforteljingane, last ned gratis fargeleggingsark, oppskrift på påskemåltid. Bibelselskapet
Israelsmisjonen sel ein digital påskepakke med mange ressursar for påskemåltid.
Søndagskolen Norge har påskeressursar på nettet.