Koret vart starta i 2000 av Odd Leif Mjøs, den gongen som eit blandakor med namnet "Radøykoret". William Kay var koret sin faste dirigent frå frebruar 2002 til september 2011. Jurate Norkuviene var dirigent fram til sommaren 2017, og Eirin Beate Åserud-Løvlid fram til sommaren 2022.
Repertoaret vårt er like variert som kormedlemane sjølve! Koret har i mange år arrangert julekonsert i Manger kyrkje. Vi har òg hatt samarbeidsprosjekt med Geirr Lystrup og Hjelmås mannskor, og har vore med på radiogudsteneste i NRK P1. Koret har reist på turné til Litauen og nokre kormedlemar var med og framførte Beethoven sin korfantasi saman med Leif Ove Andsnes og BFO. Koret var også med på Nordisk-Baltisk korfestival i Riga.
Jula 2023 fremførte vi Gloria av Vivaldi i arrangement for like stemmer saman med fleire andre damekor og dirigent Jan Røshol. Våren 2024 arbeidar vi fram mot sommarkonserten vår som vert eit samarbeid med ei rytmegruppe frå Alver. Konserten vil bli dirigert av Ann Christin Hoen.
Øvingsdagen er torsdag på Rasteplassen, Idrettsvegen 1A, Manger. Vi byrjar med sosialt samver kl. 18:30, og øver frå 19:00 til 21:00.