Nyhetsarkiv

Sorggruppe

12.2.2025

Har du mista ein av dine næraste? Ynskjer du å snakke med andre i same situasjon? Då kan kanskje sorggruppe vera noko for deg. Det vert tilbod om sorggruppe for innbyggjarar i Lærdal og Aurland. Sorggruppa vil halde til i Kyrkjestova, ved Hauge kyrkje, Lærdal.

Morsdagsgudsteneste i Tønjum kyrkje

5.2.2025

Velkomen til morsdagsgudstenste i Tønjum kyrkje 9. februar kl. 11.00. Det vert dåp, kollekt til kyrkja sitt barne- og ungdomsarbeid. Damene i kyrkjekaffigruppa har ikkje teke fri denne dagen, men vil lage til flott morsdagskakebord bak i kyrkja etter gudstenesta. Så ta gjerne turen til kyrkja kommande søndag.

Livskvalitet, meistring, hetetokter og humor i Hauge kyrkje 8. mars

5.2.2025

Lærdal sokneråd inviterer til gudsteneste med påfølgjande program i Hauge kyrkje 8. mars kl. 15.00. Her vil me markere kvinnedagen, og me har fått med oss mange flotte kvinner til å snakke om livskvalitet. Det startar med forenkla gudsteneste kl. 15.00. Deretter blir det føredrag med Marianne Natvik. Me avsluttar med samtale om livskvalitet, meistring, hetetokter og humor. Det vert korte pausar mellom programma der det vert servert afternoon tea. Arrangementet er gratis og åpe for alle, også menn :-) Håper du vil kome! Dette blir ei flott dag i lag i Hauge kyrkje.

Velkomne til babysong i 2025!

30.1.2025

Babysong er for alle babyar og foresatte i Lærdal. Sjå Facebookgruppa "Babysong Lærdal 2025" for påmelding eller kontakt Karoline direkte (mobil: 97790771) om du lurar på noko. Fyrste samling denne våren vert torsdag 27. februar klokka 11.00, og held fram annankvar torsdag etter det. (13. mars, 27. mars, 10. april og 24. april). Vi ynskjer å få til ei samling på aktivitetsstova på LBO i løpet av våren. Babysong startar med ein halvtime samling (song, reglar og leik). Etter samlinga vert det lunsj som kyrkja spanderer. Karoline legg ut påmelding i Facebook-gruppa tysdagar, to dagar før kvar babysongsamling.

Velkomen kveldsgudstenester i Hauge kyrkje

17.1.2025

Vi byrjar med kveldsgudsteneste kl. 19.00 i Hauge kyrkje siste søndag i månaden. Organisten startar å spele eit kvarter før, der ein kan finne seg ein kopp kaffi og twist. Marte Kristine Nordheim Grønvold deltek med song og musikkinnslag i gudstenesta. Velkomen til ei forenkla stemningsfull gudsteneste som ei fin avslutning på månaden.

Velkomen til dueslepp gudsteneste i Hauge kyrkje

28.12.2024

Då barnet dykkar blei døypt, fekk det ei dåpsdue i gåve frå kyrkjelyden. Denne dua, med barnet sitt namn og dåpsdato, har no hengt på dåpstreet i Hauge kyrkje sidan. Søndag 5. januar kl. 11.00 vert de invitert til å ta med duene heim.

Tårnagensamling og gudsteneste i Borgund kyrkje 29. september

24.9.2024

Kyrkja i Lærdal inviterer denne søndagen 7- og 8-åringar til å vere med på tårnagentsamling i Borgund kyrkje.

Vaffelhjertekafé – ny møteplass i Kyrkjestova

11.9.2024

Vi har gleda av å invitere til oppstarten av Vaffelhjertekafé i Kyrkjestova onsdag 18.09, eit tilbod for alle som ynskjer eit triveleg og sosialt treffpunkt i kvardagen. Kaféen vil vere open kvar onsdag frå kl. 12.00 til 14.00.

Wenche vert innsett som sokneprest i Lærdal

29.8.2024

Søndag 1. september kl. 16.00 er det gudsteneste i Hauge kyrkje, der Wenche Lie Lysne vert innsett som sokneprest i Lærdal. Denne søndagen skal òg ein liten gut døypast. Det vert god kyrkjekaffi i kyrkjestova etter gudstenesta. Velkomen til alle til gudsteneste og kyrkjekaffi.

Krølletreff

7.5.2024

Me inviterer til krølletreff på Bjørkum gard tysdag 14. mai. På garden skal me få helse på lamma som no går på vårbeite, grille pølse på bålpanna og dele ut boka «Krølle på tur» til alle treåringane.

Konfirmantar 2024

23.4.2024

Det nærmar seg konfirmasjonstid og her finn de oversikt over kven som skal konfirmerast i dei ulike kyrkjene. Vi ynskjer konfirmantane og familien ei flott konfirmasjonsfering. Bilete er teke i oppstart av konfirmantåret som starta med vandring langs Vindhella.

Velkomen til aktivitetsleir på Nesholmen

22.4.2024

Det er ei stor glede å kunne invitere deg og andre 11-13 åringar frå Lærdal, til sommarleir på Nesholmen leirstad, som ligg ved Storefjorden i Hyen (omlag ein time frå Førde). Leiren vert arrangert i eit samarbeid mellom KFUK KFUM og Den Norske Kyrkja, og er ein del av kyrkja i Lærdal si satsing på born og unge.

Solidaritetskonsert for Gaza

22.4.2024

1. mai kl. 19 blir det ein stor solidaritetskonsert i Hauge kyrkje. På konserten bidreg kor og korps, Longhorn, ungdomsband og spelemannslag, og ikkje minst ei rad framståande enkeltartistar. Bak arrangementet står alle politiske partia, kyrkja og fleire andre organisasjonar i Lærdal.

Ny sokneprest i Lærdal

2.4.2024

Wenche Lie Lysne er tilsett som sokneprest i Lærdal. Wenche er fortida sokneprest i Nedre Årdal sokn og tek til i stillinga i Lærdal 1. juli. Vi gler oss over at vi fekk på plass ny sokneprest so fort i Lærdal og til Wenche vert ein del av staben.

Takk til Jens og velkomen til Nora

2.4.2024

Fyrste påskedag var det gudsteneste i Tønjum kyrkje med avslutning og takk til kyrkjetenar Jens Rikheim og innsetting av ny kyrkjetenar Nora Henriette Grønvold Eriksen.

Fin avslutning for sokneprest Gunnar Eldevik

7.2.2024

Den 4. februar hadde Gunnar Eldevik si siste gudsteneste som sokneprest i Lærdal. Prosten takka Gunnar i gudstenesta for god teneste i Lærdal. Etter gudstenesta var det kyrkjekaffi i kyrkjestova og denne var fullsett med folk som også ville takke Gunnar for si tid i Lærdal. Det var fleire som holdt talar; soknerådsleiar/kyrkjeverje, ordførar, lokallag leiar av presteforeininga, kollega og sambygdingar. Gunnar har vore ein god prest som mange vil sakne. No ynskjer me han lukke til som kappelan i Loddefjord.

Lærdal sokneråd søkjer etter kyrkjetenar/gravplassarbeidar i 85 % stilling

6.12.2023

Lærdal sokneråd lyser ut fast stilling i inntil 85 % som kyrkjetenar/gravplassarbeidar frå 01.04.24.

Velkomen til førjulskveld i kyrkjestova 13. desember

29.11.2023

Frivilligsentralen og Lærdal sokneråd inviterer til førjulskveld i kyrkjestova 13. desember frå kl. 15.00

Møt biskop Ragnhild

20.11.2023

Alle er hjarteleg velkomne til gudsteneste med biskop Ragnhild Jepsen, i Stedje kyrkje onsdag 22. november kl 1630. Dette er i samband med at vår nye biskop vitjar Sogn prosti som ein del av sin «bli kjent runde» i Bjørgvin. Ho møter i den samanheng alle tilsette i Sogn prosti tidlegare på dagen.Velkomen til dykk alle, som vil høyre og møte biskop Ragnhild, og til kyrkjekaffi etter gudstenesta. Vel møtt!

Velkomen til kveldsgudsteneste og soknemøte 29. oktober

25.9.2023

Det vert kveldsgudsteneste i Hauge kyrkje kl. 19.00. Etter gudstenesta innviterer Lærdal sokneråd til soknemøte som vert i kyrkjestova. Soknemøte er for alle som er medlemmar av kyrkja og som er busett i Lærdal sokn.

Nyhetsarkiv

Sorggruppe

Morsdagsgudsteneste i Tønjum kyrkje

Livskvalitet, meistring, hetetokter og humor i Hauge kyrkje 8. mars

Velkomne til babysong i 2025!

Velkomen kveldsgudstenester i Hauge kyrkje

Velkomen til dueslepp gudsteneste i Hauge kyrkje

Tårnagensamling og gudsteneste i Borgund kyrkje 29. september

Vaffelhjertekafé – ny møteplass i Kyrkjestova

Wenche vert innsett som sokneprest i Lærdal

Krølletreff

Konfirmantar 2024

Velkomen til aktivitetsleir på Nesholmen

Solidaritetskonsert for Gaza

Ny sokneprest i Lærdal

Takk til Jens og velkomen til Nora

Fin avslutning for sokneprest Gunnar Eldevik

Lærdal sokneråd søkjer etter kyrkjetenar/gravplassarbeidar i 85 % stilling

Velkomen til førjulskveld i kyrkjestova 13. desember

Møt biskop Ragnhild

Velkomen til kveldsgudsteneste og soknemøte 29. oktober

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari