Velkomen!
No er det din tur til å bli konfirmant i Sula kyrkjelyd!
Ei viktig tid - eit viktig val!
Enten du trur, tvilar eller berre er nysgjerrig, er du velkomen til konfirmasjon i kyrkja.
I konfirmasjonstida får du høve til å utforske nokre av dei mange spørsmåla i livet saman med andre. Vi snakkar om livet - på godt og vondt, om kjærleik og om Gud. Samtidig får du oppleve mykje nytt. Konfirmanttida er ei tid for å tenkje nye tankar, få nye opplevingar og kanskje nye venner! Ei tid for å lære meir om Gud, om deg sjølv og om andre mennesker. Å vere konfirmant kan vere eit naturleg val for alle døypte. Dersom du ikkje er døypt, kan du likevel vere konfirmant. Vi gjennomfører då ei dåpshandling i løpet av konfirmantåret.
Det blir digitalt informasjonsmøte onsdag 09.06.21 kl. 18.00-19.00 via facebooksida vår: Sula kyrkjelyd.
Send gjerne inn spørsmål til oss før informasjonsmøtet. Spørsmåla kan sendast til oss via e-post: konfirmant@sula.kommune.no eller på sms til tlf.: 408 48 921. Det blir også mulighet til å stille spørsmål undervegs i live-sendinga. Vi svarar på spørsmåla som kjem inn, går igjennom opplegga og informerer om korleis ein melder seg på.
Påmelding til neste års konfirmantopplegg (opnar torsdag 10.juni kl. 18.00)
Konfirmasjonsdatoar våren 2022:
30.04 og 01.05 - Indre Sula kyrkje, 07.05 og 08.05 - Langevåg kyrkje
Helsing frå ansvarleg kontaktperson:
Kateket Barbro Godø Thomassen
Tlf: 408 48 921
E-post: konfirmant@sula.kommune.no