Girku digitála rohkosseaidni kyrkja.no/be: Rohkosseainnus sáhtát don cáhkkehit gintala ja čállit rohkosiid mat oidnojit dutnje ja earáide. Mii sáhttit juogadit iluid ja morrašiid. Čále rohkosa, cáhkket gintala mobiltelefovnnain, neahttabreahtain dahje dihtoriin. Rohkosseaidni lea álo rabas ja don sáhtát čállit sámegillii. Rohkosat lohkkojuvvojit ovdal ihtet seaidnái.
Loga čállosiid, rohkadala ja chatte neahttagirkus nettkyrkja.no (dárogiel fálaladat): Neahttagirkus sáhtát čálašit báhpain dan birra mii dus lea váimmu alde. Báhpat leat buorit ságastallanguoimmit ja sis lea jávohisvuođageatnegasvuohta. Don sáhtát maid rohkadallat rohkosiid ja cáhkkehit gintaliid. Doppe leat maid andávttat dárogillii, maid lea buorre lohkat.
Ságastallan, dieđuid čállin dahje chatten Kirkens SOS:n: (dárogiel fálaldat) Kirkens SOS leat čeahpes eaktedáhtolaš bargit geaiguin sáhttá ságastallat, juohke diŋgga birra mii eallimis dáháphuvvá. Njoammudávdda leavvama dihte leat sis veahá unnit olbmot barggus go dábálaččat, ja sáhttá veahá guhkit šaddat vuordit ovdal oažžu vástádusa. SOS Telefovdna lea rabas 07.00 gitta 03.00 radái, SOS Chat lea rabas dii. 18.30-22.30 ja SOS Melding dáhkida vástádusa ovdal go lea gollan 48 diimmu.
Ságastallat muhtimiin gii lea du lahka: Vaikko olu doaimmat girkus leat heaittihuvvon, de leat girku bargit ain barggus. Sis lea olu hárjáneapmi hupmat olbmuiguin ilus ja morrašdilis. Váldde oktavuođa iežat searvegottikantuvrrain jus dárbbašat muhtimiin hupmat! Muhtin searvegottiin fállet fitnat guossis, earát fállet telefovnna dahje video bokte ságastallat, dahje chattet.
Máŧkeloahpa ovddasmoraš: vuoiŋŋalaš veahkki - Omsorg ved livets slutt: åndelig omsorg (2020), eambbo dieđut dáppe.