Me prøver å gjera litt ekstra ut av 17. mai-gudstenesta i år. Det blir ei gudsteneste med fleire kulturelle innslag. Organisten vår, som òg rett som det er, spelar konsertar på Trollhaugen, og i fjor hadde ein konsert i Frankrike, vil spela for oss. Anita Frekhaug er solist. Ho var i mange år leiar for Ytre Arna barnevokal, er sentral i Ytre Arna vokal og dirigerer fleire andre kor. Alle som har vore på konfirmasjonsgudstenester hjå oss dei siste to-tre åra, har høyrt den imponerande soloen på "Amazing grace". Denne gongen vert det norske tonar. Diktlesing skal det òg vera. Og så skal me sjølvsagt syngja dei kjende fedrelandssongane saman. Etter gudstenesta vert det pølser og is i kyrkjelydshuset.
Velkomen til gudsteneste 17. mai
Anita Frekhaug syng. Jørn Skauge spelar. Og det vert diktlesing.
