Dei fleste av dei offentlege gravplassane blir forvalta av Den norske kyrkja v/det kyrkjelege fellesrådet i den enkelte kommunen. Dei tenestene det kyrkjelege fellesrådet tilbyr alle innbyggjarane, omfattar kistegravlegging, kremasjon og andre tilhøve ved sjølve gravplassen (urnenedsetjing, gravminne, gravstell, gravregister, feste av graver mv).
Kyrkjeleg ansvar for gravplassforvaltninga er hovudmodellen i gravferdslova, men gravferdslova opnar òg for at fellesrådet kan overdra dette ansvaret til kommunen. Det er kommunal gravplassforvaltning i Bærum, Sandefjord, Modum, Vennesla og Gjesdal.