- Sámi kultuvrra ovdanbuktin girkus: muhtin gažaldagat ja jurdagat
Tore Johnsen (VID allaskuvlla prošeaktabargi; PhD kandidáhtta, University of Edinburgh).
- Mot atnit sámi dáidaga ja kultuvrralaš ovdanbuktimiid girkus? ságastallan
Mikkel Eskil Mikkelsen (sámediggeráđđelahtu / kántor), Ragnhild Strauman (Lulli-Hålogalándda kulturráđđeaddi) ja Line M. Skum (VID allaskuvlla universitehtalektor).
- Sámegiella ipmilbálvalusain - mot jurddašit, mot sáhttá dahkat dan?
Karl Yngve Bergkåsa (davvisámi bismágoddekapellána/sámi girkoeallima ráđđeaddi Davvi-Hålogalándda bismagoddehálddahusas).
- Duodji girkus
Meerke Krihke Leine Bientie (Saemien Åålmege oskuoahpaheaddji).
Oasseváldit:
Tore Johnsen dutká davvisámi árgabeaivvi risttalašvuođa PhD-kandidáhttan Einburgh Universitehta Center for the Study of World Christianity`s. Son lea dál VID prošeaktabargi. Son lea leamaš suohkanbáhppan Deanus ja Unjárggas, davvisámi bismagoddekapellána ja Sámi girkoráđi váldočálli.
Ragnhild Strauman lea Lulli-Hålogalándda bismagoddehálddahusa kulturráđđeaddi ja lea Norgga musihkkaallaskuvlla ph.d.kandidáhtta. 2009-2019 lei son girkomusihkka vuosttašlektor Girkolaš oahpahusguovddážis Davvin, VID Romssas ja lea guhka bargan kántorin Norgga girkus. Son dutká girkomusihkka geavaheami oskuoahpahusas ja Davvi-Norgga sálbmaárbevieruid. Son lea maid Prismet-girjji “Sang for livet” mielredaktevra. Lea IKO-lágádus mii aitto lea almmuhan dan girjji.
Mikkel Eskil Mikkelsen lea Sámediggeráđđelahttu NSR ovddas. Son lea oahppan girkomusihkkár NTNU Troandimis ja lea čállán masterbarggu juoigama birra Oslo Universitehta Musihkkadiehtaga instituhtas. Mikkel Eskil lea bajásšaddan Divttasvuonas ja lea leamaš oassin giellaealáskahttimis mii álggahuvvui 1990-logus. Mikkel Eskil lea maid leamaš Sámi girkoráđi nubbinjođiheaddji.
Line M. Skum lea Girkolaš oahpahusguovddáža Davvin, VID Romssa universitehtalektor. Son lea bargan álgoálbmotáššiiguin sihke Sámi girkoráđis ja Girkuid máilmmiráđis ovdal. Son jođihii Sámi girkoráđi doaimma “Nuorra sámis” jagiin 2000-2004.
Karl Yngve Bergkåsa bargá sámi girkoeallima ráđđeaddin ja davvisámi báhppan Davvi-Hålogalándda bismagoddehálddahusas Romssas. Jagiin 2007-2012 barggai son suohkanbáhppan Kárášjogas. Son lea bargan Biibbalsearvvis davvisámegiel Biibbaljorgalusain, ja son lea guhká bargan lágidit sámegillii ipmilbálvalusaid iešguđet oktavuođain.
Meerke Krihke Leine Bientie bargá Saemien Åålmeges oskuoahpaheaddjin ja bargá maid iežas fitnodagain Sjabretje as ja Laste freelancariin ráđđeaddimin ja ovdanbuktimin. Son lea guhká bargan mánáiguin ja nuoraiguin sihke mánáidgárddis ja skuvllas. Meerke lea bajásšaddan lullisámi servodagas ja sutnje lea lullisámi giela ja kulturmáhtu oahpaheapmi váimmu lahka. Sus lea stuora beroštupmi muitalit lullisámi máhtu, árbevieruid ja giela birra.